7. sülk

varlığının yaratdığı aura
laylası qurtarmamış bir uşağı xatırladır
amma sən sallamışdın beşiyi

dönmədi göyə atdığım daşlar geri, mənə
çayda üzdürdüklərim isə sevmədi suyu
belə olur bir uşağın ağrısı

al, indidən çöhrənə bula
məndən bir yara
o şəhərin hər küçəsində məni günahın sayacaqsansa
o şəhərdə, o parkda, o səkidə günahın say məni istəmişdim
qəlb nə istər ki, başqa

yana-yana qəlbin əlində
dönə-dönə yollar yoranda
kor-peşmanlıq içində
mənə gəlsən
ağlımdan çıxmaz
amma sallamışdın sən o beşiyi əvvəl